Materiam infra elige iuxta formam MP3 secundum divisiones extractorum.

Harum precum libellus venditur apud Familiam Santi Hieronymi.

Prex eucharistica

Sanctíssima Trínitas, te adóro; Deus meus, Deus meus, amo te in Sanctíssimo Sacraménto præséntem.

Prex oblationis sacrificiorum

O mi Iesu, hoc tibi óffero propter amórem tui, in reparatiónem offensórum contra Immaculátum Cor Maríæ commissórum, et pro conversióne peccatórum.

Prex angeli

Sanctíssima Trínitas: Pater, Fili et Spíritus Sancte, profundíssime te adóro. Offero tibi pretiossíssimum Corpus et Sánguinem, ánimam et divinitátem Iesu Christi, qui præsens est in ómnibus tabernáculis totíus mundi, in reparatiónem contumeliárum ómnium, sacrilegiórum et indifferéntiæ quibus offénditur. Per infiníta mérita Sacratíssimi cordis Iesu et Immaculáti Cordis Maríæ, conversiónem peccatórum peto.

Prex veniæ

Deus meus, in te credo, te adóro, in te confído, te amo; véniam peto pro his qui in te non credunt, te non adórant, in te non confídunt, te non amant.

Prex decadis Rosarii

O mi Iesu, dimítte nobis débita nostra, líbera nos ab igne inférni, conduc in cælum omnes ánimas, præsértim illas quæ máxime indigent misericórdia tua.