VA Logo

Voce Alta

Repertorium Linguae Latinae Voce Alta Enuntiatae

P. Zilverberg cum Catechismo
Hodie demum renovo hanc principalem paginam, et addo lectiones precum. Adhuc difficile quidem mihi est tempus invenire ad situm augendum, sed paulatim crescit. En preces a Beata Virgine Maria de Fatima factae vel ab angelo, pro adulescentulis et preces vulgatae seu omnibus communes. (27 Sept. 2010)
D.na Lydia SantiagoInter metas quas huic anno statui, una aliis praeit: augmentum lectorum. Ecce nova lectrix Domina Santiago, quae humana modo coepit Biblia Sacra legere et Latine et Graece. (5 Apr. 2009)

Priore elapso anno huius situs, in alterum aspicio, desiderans et perficere incoepta et novum addere contentum. Iam quidem novi quam dificile est tempus invenire legendi coram microphono, quamobrem metam nunc habeo anno 2009 perficiendi primam tantum partem Catechismi. Deo opitulante, aliis annis alias legam partes. Quoad nova incoepta, vellem digitaliter incidere nonnulla nova colloquia telephonica ut audiatis non lectiones tantum, verum etiam sermonem magis cotidianum. Adiutores demum, qui linguam latinam colant, quaeram ut varietate vocum delectemini. Fateor autem me iam satis auscultasse meam vocem per machinulam iPod nano meam dum corpus exerceo! Deerat vero lectio latina Catechismi, quare hanc feci posuique in interreti ut vobis etiam prodesset. Spero hos dulces labores non vacuos esse, et invito vos ad me certiorem faciendum (etiam vulgaribus linguis) si vobis proderint. (11 Jan. 2009)

D.nus Robertus LionelloGaudeo de novo lectore invento, Domino Roberto Lionello, qui multum affert ad haec incepta augenda atque ditanda. Ecce prima lectio eius sub nova subdivisione « Scripta Sanctorum: Franciscus Assisiensis ». (21 Sept. 2008)


Salutatio de hocce situ condito: Ecce novus situs interretialis, ubi invenies textus voce alta enuntiatos, praesertim qui ad theologiam Ecclesiae Catholicae spectant. Inter incepta autem iam extant duo libri: Catechismus Catholicae Ecclesiae et Concilio Vitam Alere. Porro textus latini novi veteresque modo RSS sponte accipi possunt, ut hos postea machinula vel iPod vel huiusmodi alia audire temporo otioso possis. Cur hoc facio? Ut lingua latina vivior reddatur utque documenta a Sede Apostolica in usum usurpentur, non derelicta iacentia sed Ecclesiam funditus usque informantia. Si hocce legere potes, ne tibi dicas te non posse intellegere etiam loquelam latinam, immo incipe et legendo et auscultando, ita ut paulatim auscultando sine textu sapore linguae latinae fruaris.
-Pater Coëmgenus « Kevin » Zilverberg
English | Castellano | Italiano